Ji Zanîngeha Edinburghê Prof. Dr. Robert Douglas Dunbar diyar kir ku aştî bi rêzgirtina li hemberî ziman û çandan dibe. Dunbar, got ku ji bo muzakere pêş bikevin divê Abdullah Ocalan bê berdan.
Parêzerên Buroya Hiqûqê ya Asrinê ji bo hevdîtina bi Rêberê Gelê Kurd Abdullah Ocalan re serî li serdozgeriyê û midûriyeta Girtîgeha Îmraliyê dan.
Qeyûmê Cizîrî Nazli Demîr 60 donim qada bêhnvedanê ya girêdayî şaredariyê heta sala 2053'an da cendirmeyan. Cendirmeyan jî ji bo 29 salan wek kire da şîrketekê.
Walîtiya Antalyayê dawetên kolanan qedexe dike û polîsan li taxên piranî Kurd lê dijîn dawet betal kirin. Metîn Şahîn ê ku daweta wî hatiye betalkirin, wiha got: “Heta ji dengê muzîka Kurdî jî aciz in û tehemûl nakin.”
Ji bo Cîgirê Şaredarê Beykozê Fîdan Gul bi îdiaya “di îhaleyê de hîle kiriye” biryara binçavkirinê hate dayin.
Hevserokê MEYADER’ê ya Mêrsînê Bahattîn Bektaş û Hevserokê TUAYDER’ê Metîn Înce diyar kirin ku divê dewlet bi gavên şênber bersivê bidin banga Abdullah Ocalan û gotin: “Çareserî û aştî yekalî nabe.”
Rojnamevanên ku pîrozbahiyên Newrozê yên Rojhilat dişopandin diyar kirin ku jinan pêşengî ji pîrozbahiyan kirine û gotin ku banga dîrokî ya Rêberê Gelê Kurd Abdullah Ocalan mora xwe li pîrozbahiyan xist.
Hevseroka DAD'ê Kadriye Doganê diyar kir ku wan bi pêşengiya jinên elewî li dijî qetlîamên li Sûriyeyê "Însiyatîfa Jinan a ji bo Sûriyeyê" ava kiriye û bang li hemû jinan kir ku di 24'ê Nîsanê de li Hatayê beşdarî çalakiya "xeleka jimirovan" bibin.
Parêzerên OHD'î diyar kirin ku tecrîda li ser Abdullah Ocalan didome û gotin ku qanûnên navneteweyî pêkanîna "mafê hêviyê" ferz dikin.
Îtîraza li dijî girtina Şaredarê Bajarê Mezin ê Stenbolê Ekrem Îmamoglû û şêwirmendê wî Mûrat Ongun hate kirin, hate redkirin.
Koordînasyona Şopandina Binpêkirinên Mafan da zanîn ku li Girtîgeha Hejmar 1 û Hejmar 2 ya Sîncanê mafên tenduristiyê, azadiya xweîfadekirinê, agahîgirtin û mafên civakî tên binpêkirin û ev yek tên wateya binpêkirina qedexeya îşkence û miameleya xerab.
Di danişîna doza duyemîn a cînayeta Narîn Guranê de ku 15 kes ji ber îdiaya “îltîmas ji sûcdar re kirine” tên darizandin, daxwaza beşdarbûnê ya UCÎM û Wezareta Malbat û Xizmetên Civakî hate qebûlkirin.
Rejîma Îranê bi îdiaya “xerakirina ewlehiya neteweyî” 4 sal û 8 meh cezayê hefsê da lîstikvana Kurd Şohra Qemer.
Rojnamegeran bertek nîşanî cezayê hefsê yê li rojnameger Necla Demîr Arvas hatiye birîn dan û gotin mafê agahîgirtinê yê gel hatiye astengkirin.