16 serokên baroyên bakurê Kurdistanê pêşniyara çareseriyê ya ji 17 xalan pêk tê pêşkeşî partiyên siyasî yên li Meclisê kir. Di pêşniyaran de hat xwestin ku ziman û çanda Kurdî were naskirin, wesayeta rêveberiya navendî ya li ser rêveberiyên herêmî were bidawîkirin.
Berdevka DEM Partiyê Ayşegul Dogan diyar kir ku di pêvajoyê tu xitimîn nînin û got: “Hemû pêşniyarên me yên ji bo usûla xebitandina komîsyonê û esasên wê jî amade ne. Pêşnûmeya me ya di vê mijarê de amade ye.”
Can Oguzsoy ku li Girtîgeha Tîpa S a Bodrumê tê ragirtin, da zanîn ku bi hinceta “hevdîtina bi parêzer re” birine cihê hevdîtinê û li wir gef lê hatine xwarin. Oguzsoy, got ku ji ber serlêdana sûc ew şandine girtîgeheke din û li wir jî lêgerîna tazî lê hatiye ferzkirin.
Çetîn Arkaş ê ku di sekreteryaya Îmraliyê de cihgirtibû, rexmê Lijneya Îdare û Çavdêriyê 6 caran rapora ‘başhaliyê’ dabûyê jî careke din tehliyeya wî hate astengkirin.
Endamê Konseya Rêveber a PJAK’ê Siyamend Mûînî diyar kir ku hewceye hêzên Kurd ên li Îranê di vê pêvajoyê de li gorî berjewendiyên gel bi hev re tevbigerin.
Mûstafa Dogan ku kurê wî Guney Dogan di Komkujiya 10’ê Cotmehê ya Garê de jiyana xwe ji dest dabû, got: “Xeyalên wan aştî bû. Xwezî aştî bihata û şer bi dawî bûbûya.”
Berdevka Înîsiyatîfa Jin Jiyan Azadî ya Makedonyayê Marija Arsenkova banga Abdullah Ocalan bi gotina “Dengê herî bilind ê heqîqet û aqlê selîm” nirxand û got: “Ocalan û PKK’ê tişta rast kir, lê niha dora Tirkiyeyê ye.”
Akademîsyen Kamûran Berwarî diyar kir ku ji bo Îranê tekane rêya xelasiyê, felsefeya “Jin, jiyan, azadî” ye û got: “Heke Îran pêvajoyeke nû ya avakirinê nede destpêkirin, dê sedsala pêşiya me winda bike.”
Di danişîna doza H.Î. de ku ji ber tacîza zayendî ya li dijî zaroka xwe tê darizandin, dadgehê daxwaza girtinê red kir.
Serokên 16 baroyên bakurê Kurdistanê li Meclisê çûn serdana koma AKP’ê.
Li navçeya Xana Axparê zarokekî 10 salî dema ji bo lîstikê dixwest têkeve mizgeftê, ceyranê girt û jiyana xwe ji dest da.
Şandeya DEM Partiyê di çarçoveya nîqaşên pêvajoya nû de çû serdana MUSÎAD’ê.
Di danişîna doza rojnameger Adnan Bîlen de ku ji îdiaya “Heqaret li serokkomar kiriye” tê darizandin, biryara beraetê hate dayin.
KJAR’ê diyar kir ku şerên dewletên navneteweyî ji bo azadiya civakan rêya azadiyê nînin û got: “Em bang li hemû gel û beşên civakê dikin ku bi yekitî û piştgiriyek mezintir komîte û saziyên girseyî li qada siyasî ya Îranê ava bikin.”