Hevserokê Giştî yê DEM Partiyê Tuncer Bakirhan di mitînga 1’ê Gulanê ya Amedê de axivî. Bakirhan, da zanîn ku Abdullah Ocalan gotiye “Kapîtalîzm hêviya me di dize” û ev tişt anî ziman: “Mezinkirina hêvî, çareserî û aştiyê deynê stûyê me ye.”
Di pîrozbahiyên 1’ê Gulanê de bi taybet jî sosyalîzm derket pêş û her wiha ji bo çareserî û aştiyê hat xwestin ku mercên Abdullah Ocalan bên başkirin.
Ciwanên ku mohra xwe li pîrozbahiya 1’ê Gulanê ya li Tandoganê dan, bal kişandin ser derhiqûqiyên li Tirkiyeyê û ji îktîdarê re gotin: “Heke hiqûq tune be, kolan hene.”
Di 30’ê Nîsanê de li sê girtîgehên Îranê herî kêm 12 girtî hatin darvekirin.
Kanal 8’ê ragihand ku ew ji nûçegihanên xwe yên li çolterê Şamê pevçûn dişopandin nagirin.
Li Bakur û Rojhilatê Sûriyeyê 34 partî û rêxistinan banga rawestandina şerê li çolterê Şamê kirin û gotin: “Çek û tundî ji bilî wêranî û rijandina xwînê tu tiştekî bi xwe re nayînin.”
SOHR’ê ragihand ku di meha Nîsanê de 137 kes û di nava 24 saetên dawî de jî 39 kes li Sûriyeyê hatine qetilkirin.
Hevseroka Giştî ya DBP’ê Çîgdem Kiliçgun Uçar li Wanê axivî û diyar kir ku bêyî karkeran civaka demokratîk nayê avakirin û got: “Dema wê ye ku em deng û têkoşîna xwe bikin yek û welatekî demokratîk ava bikin.”
Li Wanê 1’ê Gulanê bi beşdariya bi hezaran karker û kedkaran hate pîrozkirin. Abdullah Zeydan di mitîngê de got ku banga Abdullah Ocalan hêviyeke nû ava kiriye. Endama MYK’a KESK’ê Done Gevher Koyun jî got ku divê ji bo aştî û demokrasiyê qanûn bên derxistin û şer bê bidawîkirin.
1’ê Gulanê li Şengalê hate pîrozkirin û gotina Rêberê Gelê Kurd Abdullah Ocalan a “Ked, azadî ye” hate bibîrxistin.
Rojnameger Ekrem Berekat diyar kir ku Durzî ji ber nasnameya xwe hedef tên girtin û got: “Planeke ku gelan bi hev didin qirkirin di meriyetê de ye.”
Hevseroka Giştî ya DEM Partiyê Tulay Hatîmogûllari di korteja 1’ê Gulanê ya Kadikoyê de axivî û got: “Piştevaniya ji bo çareseriya pirsgirêka Kurd dê bike ku heqdestê me zêde bibe û pariyê nanê me mezintir bibe.”
Hevserokê Giştî yê ESP’ê Mûrat Çepnî jî di nav de li Stenbolê herî kêm 200 kes hatin binçavkirin.
Girseya ku li Mecîdiyekoyê kom bû, tevî êrişa polîsan jî hewl dide xwe bigihîne Taksîmê.
Rojnameger Umît Ozdal ku li nexweşxaneyê jiyana xwe ji dest da, hate definkirin.