ENQERE - KESK'ê daxwazên xwe yên ji bo TÎS’ê ku bi rojan e li ber Wezareta Kar û Ewlehiya Civakî di roja yekemîn a muzakereyên peymanan de vegotine, aşkera kir. 

 

Konfederasyona Sendîkayên Karmendên Gelemperiyê (KESK), di roja yekemîn a muzakereyên Peymana Kar a Giştî (TÎS) de li ber Wezareta Kar û Ewlekariya Civakî maseya peymana giştî a alternatîf ava kir û daxwazên xebatkarên cemaweriyê aşkera kir. Endamên KESK'ê ji bo daxwazên xwe aşkera bikin li dora maseyê kom bûn. Sserokê Giştî yê KESK'ê Ahmet Karagoz diyar kir ku hikûmet bê cidiyetê pêvajoyê bi rê ve dibe û wiha got 7 meh in bi qasî 600 hezar xebatkarên cemaweriyê pêvajoya peymana giştî nehatiye kirin û weke KESK'ê daxwazên xwe yên ji 30 bajaran hatine komkirin wiha rêz kirin:

 

“*Divê mafê danûstendina kolektîf a bi vebijarka grevê ya ji bo peymana serbest bi destûra bingehîn were misogerkirin.

 

*Divê qanûna sendîkaya bi hejmara 4688'an bi beşdariya hemû rêxistinên kedê bi awayekî demokratîk ji nû ve bê nivîsandin.

 

*Divê ti mûçeyê karmendên cemaweriyê di bin sînorê xizaniyê de nemîne.

 

*Ji ber vê sedemê, em daxwaz dikin ku maeşê herî kêm ê karmendên cemaweriyê li ser xeta hejariyê ya 85 hezar TL'yî be.

 

*Lê belê ji meha Tîrmehê ve hikûmetê guhê xwe ji vê daxwaza me re girt. Konfederasyonên din jî piştî 5 mehan di Çileya 2026'an de daxwazên zêdekirina maeşê xwe ragihandin. 

 

*Di vê rewşê de em texmîn dikin ku di 5 mehan de xeta xizaniya heyî ya 85 hezar TL'yî herî kêm 100 hezar TL be. Li gorî vê yekê, heta Çileya 2026'an divê mûçeyê karmendên cemaweriyê yên herî kêm di ser 100 hezar TL be.

 

*Li gorî vê yekê, zêdebûna rêjeyî ya ku di mûçeya karmendên gelemperî de herî kêm tê kirin, divê ji bo hemû karmendên gelemperî jî bibe bingeha zêdebûna mûçeyan.

 

*Divê hemû mûçeyên zêde yên ku mûçeyên karmendên cemaweriyê pêk tînin, bi taybetî jî heqê wan ê sabît, di mûçeyê bingehîn de cih bigirin û ji bo teqawîtên karmendên dewletê wek bingeh bên bikaranîn.

 

*Divê ewlehiya kar bê dabînkirin; çi dibe bila bibe bê ka ji wan ra pere tê dayîn, cîgir, taşeron, an jî peyman, divê îstîhdama bêewle were rakirin. Hemû karmendên gelemperî divê bi ewlehiya kar û di cihên mayînde de bên xebitandin.

 

*Divê hemû karmendên gelemperî yên ku di dereceya yekemîn de ne, nîşana temamker a 3600 be.

 

* Edaleta bacê bê dabînkirin. Ji kesên ku kêmtir qezenc dikin divê baca kêmtir bê stendin û ji kesên ku zêdetir qezenc dikin bac bê stendin.

 

*Divê dawî li neheqiya baca hatineyê ya ji mûçeyên me tê derxistin bê. Divê rêjeya baca yekemîn a baca hatinê ji sedî 15 dakeve ji sedî 10 û Baca Hatineyê ya ji mûçeyên heta sînorê xizaniyê tê derxistin bi vê rêjeyê (ji sedî 10) bê sererastkirin. 

 

*Karmendên cemaweriyê yên bi biryarnameyên Rewşa Awarte û KHK’ê bi rengekî nehiqûqî ji kar hatin derxistin, divê tavilê li cih û wezîfeyên xwe bên vegerandin. 

 

*Divê ji bo personelên li saziyên cemaweriyê dema payebilindkirinê hevdîtin bên rakirin û liyakat esas bê girtin.”