* Serokê Baroya Sêrtê Muhammed Alptekîn diyar kir ku divê pêvajoya çareseriya pirsgirêka kurd ne tenê bi siyasetmedaran re, bi hiqûqnasan re jî di nava ahengekê de bê meşandin.
* Her sal Newroz ji hêla bi milyonan kesan ve tê pîrozkirin. Dirûşmên Newrozê, piranî li gorî daxwazên gelê Kurd û geşedanên mohra xwe li salê dayî teşe girtin.
* Fîlmê bi navê “Enîf” ku qeyûmê Şaredariya Cizîrê Faîk Arica di bin navê “sponsoriyê” de ji qaseya şaredariyê 68 hezar TL jê re veqetandibû, e 7 sal in hêj neketiye vîzyonê. Hevşaredara Cizîrê Guler Tunç, got: “Li holê fîlm tune ye lê fatûreyên hatine dayin hene.”
* Endama Lijneya Berdevkan a TOP'ê Julîana Gozen diyar kir ku Newroz ji bo gelê kurd û kedkaran wê bibe dîrokî û got: "Em ji bo azadiyê agirê Newrozê vêxin." Serokê Giştî yê EHP'ê Hakan Ozturk jî banga "Em têkoşînê mezin bikin" kir.
* Seyîthan Acar ê di pevçûnan de 2 keçên wî jiyana xwe ji dest dan diyar kir ku ew piştgiriyê didin banga Abdullah Ocalan û got: "Min 2 caran êşa windakirina zarokên xwe dît, lê ez naxwazim ji niha û pê ve kesên din vê êşê bibînin."
* Serokê ABF'ê Mustafa Aslan bal kişand ser komkujiyên komên çekdar ên ku HTŞ û Tirkiye piştgiriyê didin wan ên li Sûriyeyê li dijî elewiyan pêk tên û got: "Li Sûriyeyê komkujiyek li dijî elewiyan tê kirin."
* Ahmet Yaman ku 3 mehan bi Abdullah Ocalan re li Romayê ma, banga dîrokî nirxand û bi bîr xist ku "Rêber Ocalan gelek caran gotiye 'divê em xwe nû bikin, xwe pêş bixin."
* Li navçeya Xelfetî ya Rihayê, li Sûr a Amedê û li Semta Kadîfekale ya Îzmîrê dê pîrozbahiyên Newrozê bên lidarxistin. (11.00-19.00)
* Di çarçoveya banga “Aştî û Civaka Demokratîk” de dê li gelek bajaran bi gel re civîn bên lidarxistin. (11.00-15.00)
* Meclisa Jinan a DEM Partiyê dê bi baskên jinan ên EMEP û AKP’ê re hevdîtinan bikin. (12.00-16.30)
* Baroya Amedê, OHD, ÎHD, û TUAYDER dê rapora xwe ya têkildarî binpêkirinên li girtîgehan li avahiya baroyê aşkera bikin. (12.30)
* Rehşan Demîrel dê li navçeya Nisêbîn a Mêrdînê li ser gora xwe bê bibîranîn. (13.00)
* Platforma Komeleyên Rojhilat-Başûrrojhilat dê têkildarî pêvajoyê li Qada Şîrînevleriyê daxuyaniyê bide. (13.30)
* Hevseroka Giştî ya DEM Partiyê Tulay Hatîmogûllari dê têkildarî êrişên ser Elewiyan tev li çalakiya protestokirinê ya li navçeya Samandagê ya Hatayê bibe. (17.00)
* DEM Partî dê di çarçoveya xebatên “Banga Aştî û Civaka Demokratîk” de biçe serdana ÎHD û Yekitiya Mulkiyeyiyan. (14.00-17.00)