
ÎHD: Li Êlihê mafê tenduristî û jiyanê ya girtiyan tê binpêkirin 

2025-08-14 14:18:23


	&nbsp;

	ÊLIH – Şaxa ÎHD'ê ya Êlihê diyar kir ku li Girtîgeha Êlihê, Girtîgeha Tîpa T a Êlihê û Girtîgeha Tîpa L a &nbsp;Vekirî ya Êlihê ji ber qutkirin û ava nebaş mafê jiyanê yê girtiyan tê binpêkirin û xwest der barê berpirsan de lêpirsîn bê vekirin.

	&nbsp;

	Komîsyona Girtîgehan a Şaxa Komeleya Mafên Mirovan (ÎHD) ya Şaxa Êlihê piştî serdana girtîgeha li navçeya Qûbînê rapor amade kir û rapor aşkera kir. Têkildarî raporê li avahiya komeleyê daxuyanî hat dayîn û Hevberdevkê Komîsyona Girtîgehan a Şaxa ÎHD’ê ya Êlihê Zana Yucel Bozkurt diyar kir ku li Girtîgeha Êlihê, Girtîgeha Tîpa T a Êlihê û Girtîgeha Tîpa L a &nbsp;Vekirî ya Êlihê mafên girtiyan ên jiyan û tenduristiyê tên binpêkirin.

	&nbsp;

	Bozkûrt diyar kir ku ev mehek e têkildarî girtîgehan gilî &nbsp;tên kirin û wiha axivî: "Ava şebekeyê rojê tenê ji 30 deqeyan heta 2 saetan tê dayîn, tevahiya rojê tê qutkirin. Di germa havînê de girtî ji serşok, tiwalet û tesîsên hîjyenê yên şexsî bêpar in. Ji ber paqijiya li qadên hevpar, bêhnên xirab tên û qadên jiyanê rîska nexweşiyên enfeksiyonê derdixîne holê. Qalîteya ava şebekeyê netendurist e; girtî neçar mane vê avê bi kar bînin, bûyerên îshal, vereşîn, bêzarî û serêşî pir belav bûne. Herî kêm 40 girtî rakirine nexweşxaneyê, lê belê doktorên revîrê gelek girtî sewqî nexweşxaneyê nekirine, pêvajoya tedawiyê dereng xistine."

	&nbsp;

	Bozkûrt da zanîn ku girtî di bin kontrola dewletê de ne û divê dewlet berpirsyariya xwe bîne cih. Bozkûrt daxwazên girtiyan wiha rêz kir;

	&nbsp;

	* Divê demildest qutkirina avê bi dawî bibe,&nbsp;

	&nbsp;

	* Divê bê navber ava paqij û ava ku pêwîstiyên xwe bi cih bînin bê dayîn,&nbsp;

	&nbsp;

	* Divê hemû girtiyên pirsgirêka avê nexweş ketine bi lezgînî sewqî nexweşxaneyê bên kirin,&nbsp;

	&nbsp;

	* Divê şert û mercên paqijiyê yên girtîgehê bi lezgînî bên başkirin,

	&nbsp;

	&nbsp;

	* Divê kalîteya ava vexwarinê ji aliyê laboratuara serbixwe ve bê ceribandin û encam bi raya giştî re bên parvekirin

	&nbsp;

	* Divê li hemberî rayedarên ev maf benpê kirine lêpirsînên îdarî û edlî bên destpêkirin,&nbsp;

	&nbsp;

	* Divê hemû astengiyên li pêş ketina komîteyên şopandinê yên serbixwe li girtîgehan bên rakirin."

	&nbsp;